წყალტუბოს არქიტექტურა ნიუ-იორკში მოხვდა
წყალტუბოს ძველ სანატორიუმებში განსაკუთრებით იგრძნობა კონსტრუქცია, ბევრი ბეტონი, ფოლადი და კელდებიდან გამშვერილი მეტალის ღეროები. სწორედ ამ ინდუსტრიულმა ხასიათმა და ძველმა მოზაიკამ განსაზღვრა ნამუშევრის ვიზუალური გადაწყვეტაც,“ - ამბობს არტისტი რაიან კუპმანსი ერთ-ერთ ინტერვიუში.
წყალტუბოს არქიტექტურა ნიუ-იორკში მოხვდა
ნიუ-იორკში უცხოელი არტისტების ალის ვექსელის და რაიან კუპმანსის სოლო გამოფენაზე The Wild Within (ველური ბუნება შიგნიდან) შინაგანი სიველურე, წყალტუბოს შთაგონებით შექმნილი მოზაიკები გამოიფინება. ეს არის პროექტის ისტორიაში ყველაზე მასშტაბური პრეზენტაცია. ამის შესახებ ინფორმაციას უცხოური პრესა და ადგილბრივი მედიასაშულებები აქვეყნებენ.
რაიან კუპმანსმა და ვექსელმა პირველად საქართველოში 10 წლის წინ იმოგზაურეს და ფოტოხელოვანთა ყურადღების ცენტრში წყალტუბოში არსებული არიქტექტურა მოექცა, ამ ორმა ნიჭიერმა არტისტმა მიტოვებული შენობების ძიებაში წყალტუბოს სანატორიუმების ინტერიერისა და ექსტერიერის ფოტოები ციფრულად გარდაქმნეს და შეიქმნა არქიტექტურისა და წარმოსახვითი ბუნების განსაკუთრებული ერთობლიობა, რამაც მალე საერთაშორისო გამოხმაურება ჰპოვა. მას შემდეგ კუპმანსი და ვექსელი სხვადასხვა ქვეყანაში მოგზაურობდნენ, იკვლევდნენ მიტოვებულ სასახლეებს, თეატრებსა და საზოგადოებრივ სივრცეებს.
როგორც თავად ავტორები ყვებიან, მათი ნამუშევრები ეკრანიდან რეალურ სივრცეში ინაცვლებენ და ყვავილის კოლაბორაციით მინის მოზაიკებში გარდაიქმნებიან. აქედან ორი ახალი ნამუშევარი წყალტუბოს ეძღვნება.
„ამ მოზაიკების ისტორია ძალიან მჭიდროდ არის დაკავშირებული საქართველოსთან, 10 წლის წინ როცა საქართველოში ვიყავი განსაკუთრებული შთაგონება წყალტუბოში ყოფნისას მივიღე, დიდმა კედლის მოზაიკებმა და კერამიკულმა ნამუშევრებმა განსაკუთრებული შთაბეჭდილება მოახდინეს, ისინი ქართულ კულტურასა და საბჭოთა ეპოქაზე სხვადასხვა ისტორიას ჰყვებოდნენ. ფოსტის შენობა ვნახე, ბნელი იყო, მაგრამ იატაკზე დაყრილი ღია ბარათები მკვეთრად ანათებდნენ, ისეთი შთაბეჭდილება იქმნებოდა, თითქოს ყვავილები შენობის იატაკიდან იზრდებოდნენ, სწორედ ამ ვიზუალმა მოგვცა პირველი იდეა ამ პროექტის განსახორცილებლად. თითოეული ეს ღია ბარათი ცალ-ცალკე გადავიღეთ და შევინახეთ, შემდეგ მათი ისტორია შევისწავლეთ და გავიგეთ თუ როგორ ფართოდ გამოიყენებოდა სხვადასხვა დღესასწაულის ან ზეიმის დროს. რეტროს სტილის მინი მოზაიკური ფოტოები მინის ქანდაკებებად ვაქციეთ, სადაც მინის თითოეული ნაჭერი ციფრულ ფიქსელს განასახიერებს და პატარა წერტილებით სრულყოფილ გამოსახულებას ქმნის.
წყალტუბოში 8 წლის წინ გადაღებული კიბე გამოფენის შთაგონების მთავარი წყარო გახდა. ჩვენი მიზანი იყო ის რეალობიდან ციფრულ სივრცეში გადაგვეტანა და შემდეგ ისევ ფიზიკურ რეალობაში, ნამდვილი არქიტექტურული მასალებით დაგვებრუნებინა.
